၂၀၁၇-၂၀၁၈ခုနှစ်၊ ဆောင်းရာသီကာလ ယေဘုယျ မြစ်ရေအခြေအနေခန့်မှန်းချက်
(၂၈-၁၀-၂၀၁၇ရက်နေ့ထုတ်ပြန်သည်)
ဧရာဝတီမြစ်ရေသည် မြစ်ကြီးနားမြို့၊ ဗန်းမော်မြို့၊ ရွှေကူမြို့နှင့် ကသာမြို့တို့တွင် ၆ -ပေမှ ၈-ပေခွဲခန့်၊ သပိတ်ကျင်းမြို့၊ မန္တလေးမြို့၊ စစ်ကိုင်းမြို့နှင့် မြင်းမူမြို့တို့တွင် ၉-ပေမှ ၁၀-ပေခန့်၊ ပခုက္ကူ မြို့၊ ညောင်ဦးမြို့၊ ချောက်မြို့၊ မင်းဘူးမြို့၊ မကွေးမြို့နှင့် အောင်လံမြို့တို့တွင် ၁၁-ပေမှ ၁၃-ပေခန့်နှင့် ပြည်မြို့၊ ဆိပ်သာမြို့၊ ဟင်္သာတမြို့နှင့် ဇလွန်မြို့တို့တွင် ၁၄-ပေ မှ ၁၅-ပေခန့် ကျဆင်းနိုင်ပါသည်။
ချင်းတွင်းမြစ်ရေသည် ခန္တီးမြို့၊ ဟုမ္မလင်းမြို့နှင့် ဖောင်းပြင်မြို့တို့တွင် ၈-ပေမှ ၁၀-ပေခန့်၊ မော်လိုက်မြို့၊ ကလေးဝမြို့၊ မင်းကင်းမြို့၊ ကနီမြို့နှင့် မုံရွာမြို့တို့တွင် ၁၂-ပေမှ ၁၄-ပေခန့် ကျဆင်းနိုင်ပါသည်။