၂၈.၂.၂၀၁၇ ရက်နေ့ ထုတ်ပြန်ချက်
----------------------------------------
၂၀၁၇ ခုနှစ်၊ မတ်လ ပထမ(၁၀)ရက်ပတ်အတွက်မိုးလေဝသခန့်မှန်းချက်
--------------------------------------------------------------------------------
ဘင်္ဂလားပင်လယ်အော်အခြေအနေ
---------------------------------------
ဘင်္ဂလားပင်လယ်အော်တောင်ပိုင်းတွင် လေဖိအားနည်းရပ်ဝန်း (၁)ကြိမ်ဖြစ်ပေါ်နိုင်ပါသည်။
ဘင်္ဂလားပင်လယ်အော်မြောက်ပိုင်းတွင် အများအားဖြင့် သာယာနိုင်ပြီး၊ ကပ္ပလီပင်လယ်ပြင်နှင့်
ကျန်ဘင်္ဂလား ပင်လယ်အော်တို့တွင် တိမ်အသင့်အတင့် ဖြစ်ထွန်းနိုင်ပါသည်။
မိုးအခြေအနေနှင့် မိုးရွာရက်
------------------------------
စစ်ကိုင်းတိုင်းဒေသကြီးအထက်ပိုင်း၊ ကချင်ပြည်နယ်နှင့် ချင်းပြည်နယ်တို့တွင် ရွာသွန်းမြဲထက်
ပိုနိုင်ပြီး၊ ပဲခူးတိုင်းဒေသကြီး၊ ရန်ကုန်တိုင်းဒေသကြီးနှင့် ဧရာဝတီတိုင်းဒေသကြီးတို့တွင်
ရွာသွန်းမြဲအောက် လျော့ကာ၊ ကျန်တိုင်းဒေသကြီးနှင့် ပြည်နယ်တို့တွင် ရွာသွန်းမြဲခန့်
မိုးအနည်းငယ် ရွာနိုင်ပါသည်။
မိုးရွာရက်အနေဖြင့် စစ်ကိုင်းတိုင်းဒေသကြီးအထက်ပိုင်း၊ တနင်္သာရီ တိုင်းဒေသကြီးနှင့်
ကချင် ပြည်နယ်တို့တွင် (၃)ရက်မှ (၄)ရက်ခန့်နှင့် ကျန်တိုင်းဒေသကြီးနှင့် ပြည်နယ်တို့တွင်
(၁)ရက်မှ (၂)ရက် ခန့် မိုးအနည်းငယ် ရွာနိုင်ပါသည်။
နေ့အပူချိန်
------------
ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီးနှင့် မွန်ပြည်နယ်
တို့တွင် မတ်လ၏ ပျမ်းမျှ အပူချိန်ထက် အနည်းငယ်ပိုပြီး၊ ကျန်တိုင်းဒေသကြီးနှင့်
ပြည်နယ်တို့တွင် မတ်လ၏ ပျမ်းမျှအပူချိန်ခန့် ရှိနိုင်ပါသည်။
မြူအခြေအနေ
------------------
စစ်ကိုင်းတိုင်းဒေသကြီးအထက်ပိုင်း၊ ကချင်ပြည်နယ်၊ ချင်းပြည်နယ်နှင့် ရှမ်းပြည်နယ်
တို့တွင် (၄)ရက်မှ(၅)ရက်ခန့်၊ကျန်တိုင်းဒေသကြီးနှင့် ပြည်နယ် တို့တွင် (၂)ရက်မှ
(၃)ရက်ခန့် နံနက်ပိုင်းတွင် မြူထူများဆိုင်း နိုင်ပါသည်။