၂၀၁၆ခုနှစ်၊ ဇွန်လ ပထမ(၁၀)ရက်ပတ်အတွက် မိုးလေဝသခန့်မှန်းချက်
(၂၈- ၅-၂၀၁၆) ရက်နေ့ထုတ်ပြန်ချက်
ဘင်္ဂလားပင်လယ်အော်အခြေအနေ
ဘင်္ဂလားပင်လယ်အော်တွင် လေဖိအားနည်းရပ်ဝန်း(၁) ကြိမ်ဖြစ်ပေါ်နိုင်ပါသည်။ အနောက်တောင်
မုတ်သုံလေသည်ဇွန်လ(၁)ရက်နေ့မှ(၅)ရက်နေ့အတွင်းမြန်မာနိုင်ငံအလယ်ပိုင်းဒေသများသို့
လည်းကောင်း၊ဇွန်လ(၆)ရက်နေ့မှ(၁၀)ရက်နေ့အတွင်း မြန်မာနိုင်ငံမြောက်ပိုင်းဒေသများသို့
လည်းကောင်း အသီးသီး ဝင်ရောက် နိုင်ပါသည်။ ယင်းကာလအတွင်းအနောက်တောင်
မုတ်သုံလေသည် အားအသင့်အတင့်မှ အားကောင်းနိုင်ပါသည်။ ကပ္ပလီပင်လယ်ပြင်နှင့်
ဘင်္ဂလားပင်လယ်အော်တို့တွင် တိမ်အသင့်အတင့်မှ တိမ်ထူထပ်နိုင်ပါသည်။
မိုးအခြေအနေနှင့် မိုးရွာရက်
ရှမ်းပြည်နယ်တွင် ရွာသွန်းမြဲထက်ပိုပြီး၊ကျန်တိုင်းဒေသကြီးနှင့် ပြည်နယ်တို့တွင် ရွာသွန်းမြဲခန့်
ရွာနိုင်ပါသည်။တနင်္သာရီတိုင်းဒေသကြီး၊ ကချင်ပြည်နယ်၊ ကရင်ပြည်နယ်နှင့် မွန်ပြည်နယ်တို့တွင်
(၇)ရက်မှ(၉)ရက်ခန့်၊ စစ်ကိုင်းတိုင်းဒေသကြီး အောက်ပိုင်း၊ မန္တလေးတိုင်းဒေသကြီးနှင့် မကွေး
တိုင်းဒေသကြီးတို့တွင် (၂)ရက်မှ (၄) ရက်ခန့်နှင့် ကျန်တိုင်းဒေသကြီးနှင့် ပြည်နယ် တို့တွင်
(၄)ရက်မှ (၆)ရက်ခန့် မိုးထစ်ချုန်းရွာနိုင်ပါသည်။