၂၀၁၆-၂၀၁၇ခုနှစ်၊ ဆောင်းရာသီကာလ ယေဘုယျ မြစ်ရေအခြေအနေခန့်မှန်းချက်
(၂၈-၁၀-၂၀၁၆ရက်နေ့ထုတ်ပြန်သည်)
ယေဘုယျအားဖြင့် ဆောင်းရာသီကာလအတွင်း ဧရာဝတီမြစ်ရေသည် မြစ်ကြီးနားမြို့၊ ဗန်းမော်မြို့၊ ရွှေကူမြို့ နှင့် ကသာမြို့တို့တွင် ၅-ပေမှ ၇-ပေခန့်၊ သပိတ်ကျင်းမြို့၊ မန္တလေးမြို့၊ စစ်ကိုင်းမြို့၊ မြင်းမူမြို့၊ ပခုက္ကူမြို့၊ ညောင်ဦးမြို့၊ ချောက်မြို့၊မင်းဘူးမြို့နှင့်မကွေးမြို့တို့တွင်၉-ပေမှ ၁၂-ပေခန့်၊အောင်လံမြို့၊ပြည်မြို့၊ ဆိပ်သာမြို့၊ ဟင်္သာတမြို့နှင့် ဇလွန်မြို့တို့တွင် ၁၄-ပေမှ ၁၆-ပေ ခန့်ကျဆင်းနိုင်ပါသည်။
ေယဘုယျအားဖြင့် ဆောင်းရာသီကာလအတွင်း ချင်းတွင်းမြစ်ရေသည် ခန္တီးမြို့၊ ဟုမ္မလင်းမြို့ နှင့် ဖောင်းပြင်မြို့တို့တွင် ၅-ပေမှ ၇-ပေခန့် မော်လိုက်မြို့၊ ကလေးဝမြို့၊ မင်းကင်းမြို့၊ ကနီမြို့နှင့် မုံရွာမြို့တို့တွင် ၉-ပေခွဲမှ ၁၂-ပေခန့် ကျဆင်းနိုင်ပါသည်။