မုန်တိုင်းငယ်သတင်းအမှတ်စဉ်(၀၈/၂၀၂၃)

မုန်တိုင်းငယ်သတင်းအမှတ်စဉ်(၀၈/၂၀၂၃)

(၂၀၂၃ခုနှစ်၊ဖေဖော်ဝါရီလ  ၁  ရက်နေ့မြန်မာစံတော်ချိန်(၁၉:၀၀)နာရီအချိန်ထုတ်ပြန်ချက်)

(­­­က)    မုန်တိုင်းငယ်အခြေအနေ

(၁)     ယနေ့မြန်မာစံတော်ချိန် (၁၇:၃၀)နာရီအချိန် တိုင်းထွာချက်များအရဘင်္ဂလားပင်လယ်အော်အနောက်တောင်ပိုင်းတွင်ဖြစ်ပေါ်နေသောမုန်တိုင်းငယ်(Depression)သည်သိသိသာသာရွေ့လျားခြင်းမရှိဘဲ၊မြန်မာနိုင်ငံ၊ကိုကိုးကျွန်းမြို့(Coco Island)၏အနောက်တောင်ဘက်ရေမိုင်(၇၆၀)မိုင်ခန့်၊ဟိုင်းကြီးကျွန်းမြို့(Hainggyikyun)၏အနောက်တောင်ဘက်ရေမိုင်(၈၇၀)မိုင်ခန့်၊သီရိလင်္ကာနိုင်ငံ၊ထရီကိုမာလီမြို့(Trincomalee)၏အရှေ့-အရှေ့တောင်ဘက်ရေမိုင် (၆၀)မိုင်ခန့်နှင့်အိန္ဒိယနိုင်ငံ၊ကာရိုင်ကယ်မြို့(Karaikal)၏တောင်-အရှေ့တောင်ဘက်ရေမိုင်(၂၁၅)မိုင်ခန့်အကွာပင်လယ်ပြင်ကိုဗဟိုပြုနေပါသည်။

(၂)      မုန်တိုင်းငယ်(Depression)၏ လက်ရှိအခြေအနေမှာ မြန်မာနိုင်ငံဘက်သို့ ဦးတည်ရွေ့လျားမည့် အခြေအနေမရှိပါသဖြင့် အဝါရောင်အဆင့်ဟု သတ်မှတ် ပါသည်။

(ခ)     မုန်တိုင်းငယ်၏တည်နေရာ၊ ဗဟိုချက်လေဖိအားနှင့် လေတိုက်နှုန်း

 အဆိုပါ မုန်တိုင်းငယ်(Depression)သည် မြန်မာစံတော်ချိန် (၁၇:၃၀)နာရီအချိန်တွင်မြောက်လတ္တီကျု(၈.၀)ဒီဂရီနှင့် အရှေ့လောင်ဂျီကျု (၈၂.၀)ဒီဂရီတွင်ရှိပြီး၊ ဗဟိုချက်  လေဖိအား(၁၀၀၄)ဟက်တိုပါစကယ်နှင့် အမြင့်ဆုံးလေတိုက်နှုန်းမှာ တစ်နာရီလျှင်  မိုင်(၃၀)နှုန်းခန့် ဖြစ်ပါသည်။

 (ဂ)     နောက်(၁၂)နာရီအတွင်းခန့်မှန်းချက်

အဆိုပါ မုန်တိုင်းငယ်(Depression)သည် အနောက်ဘက်သို့ ရွေ့လျားနိုင်ပြီး၊(၂.၂.၂၀၂၃)ရက်နေ့ နံနက်အစောပိုင်းတွင်သီရိလင်္ကာနိုင်ငံကမ်းခြေကိုဘတ်တီကာလိုရာမြို့(Batticaloa)နှင့် ထရီကိုမာလီမြို့(Trincomalee)တို့အကြားမှ ဖြတ်ကျော်နိုင်သည်ဟုခန့်မှန်းရပါသည်။