၂၀၁၅ခုနှစ်၊ မေလ လပတ်အတွက်မိုးလေဝသခန့်မှန်းချက်
(၂၈- ၄-၂၀၁၅)ရက်နေ့တွင် ထုတ်ပြန်ပါသည်။
ဘင်္ဂလားပင်လယ်အော်အခြေအနေ။ အနောက်တောင်မုတ်သုံလေသည် မေလဒုတိယ(၁၀)ရက်ပတ်
အတွင်းမြန်မာနိုင်ငံတောင်ပိုင်းဒေသများသို့လည်းကောင်း၊မေလတတိယ(၁၀)ရက်ပတ်အတွင်း
မြစ်ဝကျွန်းပေါ်ဒေသများနှင့် မြန်မာနိုင်ငံအလယ်ပိုင်းဒေသများသို့လည်းကောင်း၊ အသီးသီး
ဝင်ရောက်နိုင်ပါသည်။ ဘင်္ဂလားပင်လယ်အော်တွင် လေဖိအားနည်းရပ်ဝန်း(၂)ကြိမ်ဖြစ်ပေါ်နိုင်ပြီး၊
(၁)ကြိမ်တွင်ပိုမိုအားကောင်းလာကာမုန်တိုင်းငယ်အဖြစ်သို့ရောက်ရှိနိုင်ပါသည်။ ယင်းကာလအတွင်း
အနောက်တောင်မုတ်သုံလေသည် အားအသင့်အတင့် ရှိနိုင်ပါသည်။ကပ္ပလီပင်လယ်ပြင်နှင့်
ဘင်္ဂလားပင်လယ်အော်တောင်ပိုင်းတို့တွင် တိမ်အသင့်အတင့်မှ တိမ်ထူထပ်နိုင်ပြီး၊
ကျန်ဘင်္ဂလားပင်လယ်အော်တွင်တိမ်အသင့်အတင့် ဖြစ်ထွန်းနိုင်ပါသည်
မိုးအခြေအနေနှင့် မိုးရွာရက်။ မိုးရွာသွန်းမှုအခြေအနေမှာ ရခိုင်ပြည်နယ်တွင် ရွာသွန်းမြဲထက်ပိုပြီး၊
စစ်ကိုင်းတိုင်းဒေသကြီးအောက်ပိုင်း၊ ရှမ်းပြည်နယ်(အရှေ့ပိုင်း)နှင့် ချင်းပြည်နယ်တို့တွင်ရွာသွန်းမြဲ
အောက်လျော့ကာ၊ ကျန်တိုင်းဒေသကြီးနှင့် ပြည်နယ်တို့တွင်ရွာသွန်းမြဲခန့်ရွာနိုင်ပါသည်။
စစ်ကိုင်းတိုင်းဒေသကြီးအောက်ပိုင်း၊ မန္တလေးတိုင်းဒေသကြီး၊ မကွေးတိုင်းဒေသကြီး၊ ရှမ်းပြည်နယ်နှင့်
ချင်းပြည်နယ်တို့တွင်(၈)ရက်မှ(၁၂)ရက်ခန့်နှင့် ကျန်တိုင်းဒေသကြီးနှင့်ပြည်နယ်တို့တွင်(၁၃)ရက်မှ(၁၆)ရက်ခန့်
မိုးထစ်ချုန်းရွာနိုင်ပါသည်။
နေ့အပူချိန်အခြေအနေ
စစ်ကိုင်းတိုင်းဒေသကြီးအောက်ပိုင်း၊မန္တလေးတိုင်းဒေသကြီး၊မကွေးတိုင်းဒေသကြီး၊ပဲခူးတိုင်း
ဒေသကြီး၊ရန်ကုန်တိုင်းဒေသကြီးနှင့် ဧရာဝတီတိုင်းဒေသကြီးတို့တွင် မေလ၏
ပျမ်းမျှအပူချိန်တို့ထက်ပိုပြီး၊ ကျန်တိုင်းဒေသကြီးနှင့်ပြည်နယ်တို့တွင်မေလ၏ပျမ်းမျှ
အပူချိန် ခန့်သာရှိနိုင်ပါသည်။