(၁၀)ရက်ပတ်မြစ်ရေအခြေအနေခန့်မှန်းချက်

           ဧရာဝတီမြစ်ရေသည် နိုဝင်ဘာလ ပထမ (၁၀) ရက်ပတ်အတွင်း မြစ်ကြီးနားမြို့၊ ဗန်းမော်မြို့၊ ရွှေကူမြို့၊ ကသာမြို့၊ သပိတ်ကျင်းမြို့၊ မန္တလေးမြို့၊ စစ်ကိုင်းမြို့နှင့် မြင်းမူမြို့တို့တွင် ၂-ပေမှ ၃-ပေခန့်၊ ပခုက္ကူမြို့၊ ညောင်ဦးမြို့၊ ချောက်မြို့၊ မင်းဘူးမြို့နှင့် မကွေးမြို့တို့တွင် ၃-ပေမှ ၄-ပေခန့် ကျဆင်းနိုင်ပြီး အောင်လံမြို့၊ ပြည်မြို့၊ ဆိပ်သာမြို့၊ ဟင်္သာတမြို့နှင့် ဇလွန်မြို့တို့တွင်  ၁-ပေ မှ  ၃-ပေခန့် မြင့်တက်နိုင်ပါသည်။ 
           ချင်းတွင်းမြစ်ရေသည် နိုဝင်ဘာလ ပထမ (၁၀)ရက်ပတ်အတွင်း ခန္တီးမြို့၊ ဟုမ္မလင်းမြို့၊ ဖောင်းပြင်မြို့၊ မော်လိုက်မြို့၊ ကလေးဝမြို့၊ မင်းကင်းမြို့၊ ကနီမြို့နှင့် မုံရွာမြို့တို့တွင်  ၂-ပေမှ ၃-ပေခန့် ကျဆင်းနိုင်ပါသည်။