DEPARTMENT OF METEOROLOGY AND HYDROLOGY (MYANMAR)

 

(၂၉.၁.၂၀၂၃) ယနေ့မြန်မာစံတော်ချိန် (၁၇:၃၀)နာရီအချိန် တိုင်းထွာချက်များအရ ဘင်္ဂလားပင်လယ်အော်အရှေ့တောင်ပိုင်းနှင့် ယင်းနှင့်ဆက်စပ်လျက်ရှိသော အီကွေတာအနီး အိန္ဒိယသမုဒ္ဒရာအရှေ့ပိုင်းတို့တွင် ဖြစ်ပေါ်နေသော အားကောင်းသောလေဖိအားနည်းရပ်ဝန်း(Well Marked Low Pressure Area)သည် ဆက်လက် တည်ရှိနေပါသည်။ အဆိုပါ အားကောင်းသောလေဖိအားနည်းရပ်ဝန်း(Well Marked Low Pressure Area)သည် အနောက်-အနောက်မြောက်ဘက်သို့ ရွေ့လျားနိုင်ပြီး၊ (၃၀.၁.၂၀၂၃)ရက်နေ့တွင် ဘင်္ဂလားပင်လယ်အော်အနောက်တောင်ပိုင်း၌ မုန်တိုင်းငယ်(Depression)အဖြစ်သို့ ပိုမိုအားကောင်းလာနိုင်ကာ၊ (၁.၂.၂၀၂၃)ရက်နေ့တွင် သီရိလင်္ကာနိုင်ငံကမ်းခြေအနီးသို့ ရောက်ရှိနိုင်သည်ဟု ခန့်မှန်းရပါသည်။ ဘင်္ဂလားပင်လယ်အော်တောင်ပိုင်းတွင် တိမ်ထူထပ်နေပြီး၊ ကပ္ပလီပင်လယ်ပြင်နှင့် ကျန်ဘင်္ဂလားပင်လယ်အော်တို့တွင် တိမ်အသင့်အတင့် ဖြစ်ထွန်းနေပါသည်။

အအေးလှိုင်း (Cold wave)

အအေးလှိုင်း (Cold wave)

ဆောင်းမုတ်သုံအားကောင်းတတ်သည့်ဒီဇင်ဘာလ၊ဇန်နဝါရီလများအတွင်းမြန်မာနိုင်ငံအရှေ့ဘက်

ရှမ်းကုန်းမြင့်ဒေသများ၊မြေလတ်ပိုင်းဒေသများတွင်အအေးလှိုင်းဖြစ်ပေါ်မှုအများဆုံးဖြစ်ပေါ်ကြောင်း

တွေ့ရပါသည်။ဆောင်းမုတ်သုံကာလတွင်းတရုတ်ပြည်ပေါ်မှ လေဖိအားများဒေသ(High Pressure

Region)သည်တဖြည်းဖြည်းအင်အားချဲ့ထွင်လာသည့်အခါ၎င်းလေဖိအားများဒေသမှ လေဖိအားများ

ဘောင်တန်း(Ridge)သည်မြန်မာနိုင်ငံသို့အရှေ့မြောက်ဘက်မှတိုးဝင်လာပြီး၊၎င်းလေဖိအားများ

ဘောင်တန်းထိပ်ဖက်တွင်အအေးပိုခြင်း ဖြစ်ပေါ်လာပါသည်။

ပုံမှန်အပူချိန်အောက်၃ဒီဂရီစင်တီဂရိတ်နှင့်ယင်းအထက်ပို၍လျော့ကျပြီးထိုသို့လျော့ကျမှုသည်နေရာ

အနှံ့အပြားတွင်(၂)ရက်ထက်ပိုသောကာလအထိဖြစ်ပေါ်နေလျှင်အအေးလှိုင်းဖြတ်သည်ဟုသတ်မှတ်

ပါသည်။