မိုးလေဝသနှင့်ဇလဗေဒညွှန်ကြားမှုဦးစီးဌာန၏ ရည်ရွယ်ချက်များမှာ အောက်ပါအတိုင်း ဖြစ်ပါသည် -
(က) သဘာဝဘေးအန္တရာယ် ကြိုတင်ကာကွယ်ရေး
(ခ) ကုန်းလမ်း၊ ရေလမ်း၊ လေကြောင်းလမ်း ခရီးသွားလာမှု လုံခြုံချောမွေ့စေရေး
(ဂ) နိုင်ငံတော်၏စားနပ်ရိက္ခာ ထုတ်လုပ်မှု ပိုမိုတိုးတက်စေရန် အထောက်အကူပြုရေး
(ဃ) နိုင်ငံတော်၏ အထူးစီမံကိန်းနှင့် လုပ်ငန်းကြီးများအတွက် အထိရောက်ဆုံး အထောက်အကူပြုရေး
(င) ပတ်ဝန်းကျင်ထိန်းသိမ်းရေးနှင့် သယံဇာတပစ္စည်းများ ကာလကြာရှည်စွာ ထုတ်ယူ အသုံးပြုရေး
(စ) ဌာန၏လုပ်ငန်းများ တိုးတက်အောင်မြင်ရေးအတွက် သုတေသန၊ ပညာပေးနှင့် နိုင်ငံတကာပူးပေါင်းဆောင်ရွက်မှု တိုးမြင့်ရေး
(၃၀.၁.၂၀၂၃) ယနေ့မြန်မာစံတော်ချိန် (၁၅:၃၀)နာရီအချိန် တိုင်းထွာချက်များအရ ဘင်္ဂလား ပင်လယ်အော်တောင်ပိုင်းတွင် ဖြစ်ပေါ်နေသော မုန်တိုင်းငယ်(Depression)သည် အနောက်-အနောက်မြောက် ဘက်သို့ရွေ့လျားခဲ့ပြီး၊ မြန်မာနိုင်ငံ၊ ကိုကိုးကျွန်းမြို့(Coco Island)၏ အနောက်တောင်ဘက် ရေမိုင်(၅၅၅) မိုင်ခန့်၊ ဟိုင်းကြီးကျွန်းမြို့ (Hainggyikyun)၏ အနောက်တောင်ဘက် ရေမိုင်(၆၇၅)မိုင်ခန့်၊ သီရိလင်္ကာနိုင်ငံ၊ ထရီကိုမာလီမြို့(Trincomalee) ၏ အရှေ့-အရှေ့တောင်ဘက် ရေမိုင်(၃၂၀)မိုင်ခန့်၊ ကိုလံဘိုမြို့(Colombo)၏ အရှေ့-အရှေ့မြောက်ဘက် ရေမိုင်(၄၀၀)မိုင်ခန့်နှင့် အိန္ဒိယနိုင်ငံ၊ ကာရိုင်ကယ်မြို့(Karaikal)၏ အရှေ့-အရှေ့ တောင်ဘက် ရေမိုင်(၄၄၀)မိုင်ခန့်အကွာ ပင်လယ်ပြင်ကို ဗဟိုပြုနေပါသည်။ ဘင်္ဂလားပင်လယ်အော်တောင်ပိုင်း နှင့် အနောက်အလယ်ပိုင်းတို့တွင် တိမ်အသင့်အတင့်မှ တိမ်ထူထပ်နေပြီး၊ ကပ္ပလီပင်လယ်ပြင်နှင့် ကျန်ဘင်္ဂလား ပင်လယ်အော်တို့တွင် တိမ်အနည်းငယ် ဖြစ်ထွန်းနေပါသည်။