" ထူးခြားမိုးလေဝသအခြေအနေသတင်း"
(၂၀၁၈ ခုနှစ်၊ အောက်တိုဘာလ (၂၀) ရက်၊ မြန်မာစံတော်ချိန် (၁၇:၀၀)နာရီအချိန်ထုတ်ပြန်ချက်) ထူးခြားမိုးလေဝသအခြေအနေသတင်း အမှတ်စဉ်(၀၄/၂၀၁၈)
(က) ယနေ့မြန်မာစံတော်ချိန် (၁၆:၃၀)နာရီအချိန် တိုင်းထွာချက်များအရ ထိုင်းပင်လယ်ကွေ့တွင်
ဖြစ်ပေါ်နေသောအပူပိုင်းမုန်တိုင်းငယ် (Tropical Depression)သည် အနောက်-အနောက်
မြောက်ဘက်သို့ ရွေ့လျားခဲ့ပြီး၊ထိုင်းနိုင်ငံ၊ ပတ္တရားမြို့(Pattaya)၏ တောင်-အရှေ့တောင်ဘက်
မိုင်(၉၀)ခန့်၊ ပရာချရက်ခိရီခန်မြို့(Prachuap Khiri Khan)၏ အရှေ့-အရှေ့တောင် ဘက် မိုင်(၁၀၀)ခန့်၊
မြန်မာနိုင်ငံ၊ မြိတ်မြို့၏ အရှေ့-အရှေ့တောင်ဘက် (၁၇၅)မိုင်ခန့် အကွာ ပင်လယ်ပြင်ကို
ဗဟိုပြုနေပါသည်။ အဆိုပါ အပူပိုင်းမုန်တိုင်းငယ်(Tropical Depression)သည် အနောက်-
အနောက်မြောက်ဘက်သို့ ဆက်လက်ရွေ့လျားပြီး၊ ယနေ့ညပိုင်းတွင် ပရာချရက်ခိရီခန်မြို့
(Prachuap Khiri Khan)အနီးမှ ကုန်းတွင်းသို့ ဖြတ်ကျော် ဝင်ရောက်ကာ
ကပ္ပလီပင်လယ်ပြင်သို့ ရောက်ရှိနိုင်သည်ဟု ခန့်မှန်းရပါသည်။
သတိပေးနှိုးဆော်ချက်
(က) အဆိုပါ အပူပိုင်းမုန်တိုင်းငယ် (Tropical Depression)၏အရှိန်ကြောင့် ယနေ့ညနေမှ
နောက်(၂၄)နာရီအတွင်း ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်း ဒေသကြီး၊
တနင်္သာရီတိုင်းဒေသကြီး၊ ကယားပြည်နယ်၊ ကရင်ပြည်နယ်နှင့် မွန်ပြည်နယ် တို့တွင် နေရာစိပ်စိပ်မှ
နေရာအနှံ့အပြား မိုးထစ်ချုန်းရွာပြီး၊ နေရာကွက်၍ မိုးကြီးနိုင်ပါ သည်။
(ခ) မြစ်ဝကျွန်းပေါ်၊ မုတ္တမကွေ့၊ မွန်-တနင်္သာရီကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်
တို့တွင် တစ်ခါတစ်ရံ မိုးသက်လေပြင်းများကျရောက်ပြီး၊ လှိုင်းအသင့်အတင့်မှ လှိုင်းကြီး နိုင်ပါသည်။
မိုးသက်လေပြင်းကျစဉ် ရေပြင်/မြေပြင်လေသည် တစ်နာရီလျှင် (၃၅)မိုင်အထိ တိုက်ခတ်နိုင်ပါသည်။
လှိုင်းအမြင့်မှာ မြစ်ဝကျွန်းပေါ်၊ မုတ္တမကွေ့၊ မွန်-တနင်္သာရီကမ်းရိုးတန်း တစ်လျှောက်နှင့် ကမ်းလွန်
ပင်လယ်ပြင်တို့တွင် (၆)ပေမှ (၉)ပေခန့် ရှိနိုင်ပါသည်။