၂၀၁၆ခုနှစ်၊ ဇွန်လအတွက် မြစ်ရေအခြေအနေ ခန့်မှန်းချက်
(၂၈-၅-၂၀၁၆ ရက်နေ့ထုတ်ပြန်သည်)
၂၀၁၆ ခုနှစ် ဇွန်လအတွင်း ဧရာဝတီမြစ်ရေသည် မြစ်ကြီးနားမြို့၊ ဗန်းမော်မြို့၊ ရွှေကူမြို့နှင့် ကသာမြို့တို့တွင် ၇-ပေမှ ၉-ပေခန့်၊ သပိတ်ကျင်းမြို့၊ မန္တလေးမြို့၊ စစ်ကိုင်းမြို့၊ မြင်းမူမြို့၊ပခုက္ကူမြို့၊ ညောင်ဦးမြို့၊ချောက်မြို့၊မင်းဘူးမြို့နှင့် မကွေးမြို့တို့တွင် ၆-ပေမှ ၇-ပေခန့်၊ အောင်လံမြို့၊ ပြည်မြို့၊ ဆိပ်သာမြို့၊ဟင်္သာတမြို့နှင့် ဇလွန်မြို့ တို့တွင် ၄-ပေမှ ၅-ပေခန့် လက်ရှိရေမှတ်များ၏အထက် မြင့် တက်လာနိုင်သော်လည်း ယင်းမြို့များ၏ စိုးရိမ်ရေမှတ်အသီးသီးသို့ ရောက်နိုင်ဖွယ်မရှိပါ။
ချင်းတွင်းမြစ်ရေသည် ခန္တီးမြို့၊ဟုမ္မလင်းမြို့နှင့် ဖောင်းပြင်မြို့တို့တွင် ၁၀-ပေမှ ၁၂-ပေ ခန့်၊ မော်လိုက်မြို့၊ကလေးဝမြို့၊ မင်းကင်းမြို့၊ ကနီမြို့နှင့် မုံရွာမြို့တို့တွင် ၈-ပေမှ ၁၀-ပေခန့် လက်ရှိ ရေမှတ်များ၏ အထက်မြင့်တက်လာနိုင်သော်လည်း ယင်းမြို့များ၏ စိုးရိမ်ရေမှတ်အသီးသီးသို့ ရောက် နိုင်ဖွယ်မရှိပါ။
သံလွင်မြစ်ရေသည် ဘားအံမြို့တွင် ၇-ပေမှ ၈-ပေခန့်၊ စစ်တောင်းမြစ်ရေသည် တောင်ငူမြို့နှင့် မဒေါက်မြို့တို့တွင် ၃-ပေမှ ၅-ပေခန့်၊ ဒုဋ္ဌဝတီမြစ်ရေသည် သီပေါမြို့တွင် ၁-ပေခွဲမှ ၂-ပေခွဲခန့် နှင့် ရွှေစာရံမြို့နှင့် မြစ်ငယ်မြို့တို့တွင် ၈-ပေမှ ၉-ပေခန့်၊ ရွှေကျင်မြစ်ရေသည် ရွှေကျင်မြို့တွင် ၄-ပေမှ ၅-ပေခန့်၊ ပဲခူးမြစ်ရေသည် ဇောင်းတူမြို့နှင့် ပဲခူးမြို့တို့တွင် ၈-ပေမှ ၁၀-ပေခန့်နှင့် ငဝန်မြစ်ရေသည် ငါးသိုင်းချောင်းမြို့တွင် ၉-ပေမှ ၁၀-ပေခန့် လက်ရှိရေမှတ်များ၏အထက်မြင့်တက်လာနိုင်သော်လည်း ယင်းမြို့များ၏ စိုးရိမ်ရေမှတ်အသီးသီးသို့ရောက်နိုင်ဖွယ်မရှိပါ။