မြစ်ရေအခြေအနေသတင်း
(၂၀၁၉ ခုနှစ်၊ မေလ (၆) ရက်၊ (၂၁:၀၀)နာရီ အချိန်ထုတ်ပြန်ချက်)
ဧရာဝတီမြစ်ရေသည် မြစ်ကြီးနားမြို့တွင် (၃.၅.၂၀၁၉) ရက်နေ့၌ (၅)ပေခွဲခန့်နှင့် ၂၀၁၉ ခုနှစ်၊ မေလ(၆) ရက်နေ့ (၂၀:၃၀) နာရီအချိန် တိုင်းထွာချက်အရ ယင်းမြို့တွင်(၅၄၇)စင်တီမီတာသို့ ရောက်ရှိခဲ့ကာ (၁)ရက် အတွင်း (၈)ပေခန့်မြင့်တက်ခဲ့ပါသည်။အဆိုပါမြစ်ရေသည် ဗန်းမော်မြို့၊ ရွှေကူမြို့နှင့် ကသာမြို့တို့တွင် (၁)ရက်မှ (၂)ရက် အတွင်း (၄) ပေမှ (၅)ပေခန့်နှင့် သပိတ်ကျင်းမြို့တွင် (၁)ရက်အတွင်း (၃)ပေခန့် မြင့်တက်ခဲ့ပြီး ဖြစ်ပါ သည်။
ဧရာဝတီမြစ်အထက်ပိုင်းတွင် မြင့်တက်ခဲ့သော မြစ်ရေများသည် နောက်(၁)ရက်မှ (၄)ရက်အတွင်း ဗန်းမော်မြို့၊ ရွှေကူမြို့၊ ကသာမြို့နှင့် သပိတ်ကျင်းမြို့တို့တွင် (၄)ပေမှ (၆)ပေခန့်၊ နောက်(၁)ရက်မှ (၇)ရက်အတွင်း မန္တလေးမြို့၊ စစ်ကိုင်းမြို့၊ မြင်းမူမြို့၊ ပခုက္ကူမြို့နှင့်ညောင်ဦးမြို့ တို့တွင် (၅)ပေမှ (၆)ပေခန့်၊ နောက် (၄) ရက်မှ (၁၂)ရက် အတွင်း ချောက်မြို့၊ မင်းဘူးမြို့၊ မကွေးမြို့၊ အောင်လံမြို့၊ ပြည်မြို့၊ ဆိပ်သာမြို့၊ ဟင်္သာတမြို့နှင့် ဇလွန်မြို့တို့တွင် (၃)ပေမှ (၄)ပေခန့် လက်ရှိရေမှတ်များအထက် မြင့်တက်လာနိုင်ပါသည်။
သို့ဖြစ်ပါ၍ မြစ်ကြောင်းများအတွင်း သွားလာနေကြသည့် ရေယာဉ်၊ လှေ၊ သင်္ဘောများအနေဖြင့် ဂရုပြု သင့်ပါကြောင်းနှင့် မြစ်ရေနည်းစဉ် သဲသောင်ခုံများတွင် စိုက်ပျိုးနေထိုင်ကြသူများအနေဖြင့်လည်း မြစ်ရေ တိုးလာနိုင်မှုကို ဂရုပြုနေထိုင်သင့်ပါကြောင်း အကြံပြုအပ်ပါသည်။