DEPARTMENT OF METEOROLOGY AND HYDROLOGY (MYANMAR)
၂၂-၁၁-၂၀၂၅: ယနေ့မြန်မာစံတော်ချိန် ၁၇:၃၀ နာရီအချိန် တိုင်းထွာချက်များအရ ကပ္ပလီပင်လယ်ပြင်တောင်ပိုင်းနှင့် ယင်းနှင့်ဆက်စပ်လျက်ရှိသော မလက္ကာရေလက်ကြားအနီးတွင် ဖြစ်ပေါ်နေသော လေဖိအားနည်းရပ်ဝန်း(Low Pressure Area)သည် ဆက်လက်တည်ရှိနေပါသည်။ အဆိုပါ လေဖိအားနည်းရပ်ဝန်းသည် အနောက်-အနောက်မြောက်ဘက်သို့ရွေ့လျားနိုင်ပြီး ၂၄-၁၁-၂၀၂၅ ရက်နေ့တွင် ပိုမိုအားကောင်းလာကာ ဘင်္ဂလားပင်လယ်အော်အရှေ့တောင်ပိုင်း၌ မုန်တိုင်းငယ်(Depression)အဖြစ်သို့ ရောက်ရှိနိုင်သည်ဟု ခန့်မှန်းရပါသည်။ ဘင်္ဂလားပင်လယ်အော်မြောက်ပိုင်းနှင့် အရှေ့အလယ်ပိုင်းတို့တွင် တိမ်အနည်းငယ် ဖြစ်ထွန်းနေပြီး ကပ္ပလီပင်လယ်ပြင်နှင့် ကျန်ဘင်္ဂလားပင်လယ်အော်တို့တွင် တိမ်အသင့်အတင့်မှ တိမ်ထူထပ်နေပါသည်။
(၆၂)နှစ်မြောက် ကမ္ဘာ့မိုးလေဝသနေ့အထိမ်းအမှတ်အလွတ်တန်း “သဘာဝဘေးအန္တရာယ်လျော့ပါးရေး ကြိုတင်သတိပေးခြင်းနှင့် တုံ့ပြန်ဆောင်ရွက်မှုကို မြှင့်တင်ပေး” ဆောင်ပုဒ်ဖြင့် ဆောင်းပါးပြိုင်ပွဲ ဆုရရှိသူစာရင်းမှာ အောက်ပါအတိုင်းဖြစ်ပါသည်။
ပထမဆု-ကိုတူး(သာယာမြိုင်)
ဒုတိယဆု-လင်းအရုဏ်ဦး(ပဲခူး)
တတိယဆု-မောင်နေဦး(မြို့ပြ)
တို့ရရှိခဲ့ပါသည်။