ဆောင်းရာသီကာလ (၂၀၁၆ ခုနှစ်၊ နိုဝင်ဘာလမှ ၂၀၁၇ခုနှစ်၊ ဖေဖော်ဝါရီလထိ)
===============================================
အတွက် ယေဘုယျ မိုးလေဝသနှင့် ဇလဗေဒခန့်မှန်းချက်
=============================================
ဘင်္ဂလားပင်လယ်အော်အခြေအနေ
========================
ဘင်္ဂလားပင်လယ်အော်တောင်ပိုင်းတွင် လေဖိအားနည်းရပ်ဝန်း(၃)ကြိမ်ဖြစ်ပေါ်နိုင်ပြီး၊
(၂)ကြိမ် တွင် ပိုမိုအားကောင်းလာကာ မုန်တိုင်းငယ်အဖြစ်သို့ရောက်ရှိနိုင်ပါသည်။
ကပ္ပလီပင်လယ်ပြင်နှင့် ဘင်္ဂလားပင်လယ်အော်တောင်ပိုင်းတို့တွင် တိမ်အသင့်
အတင့်မှ တိမ်ထူထပ်နိုင်ပြီး၊ ကျန်ဘင်္ဂလားပင်လယ်အော်တွင် တိမ်အသင့်အတင့်
ဖြစ်ထွန်းနိုင်ပါသည်။
မိုးအခြေအနေ
===========
စစ်ကိုင်းတိုင်းဒေသကြီးအထက်ပိုင်းနှင့် ကချင်ပြည်နယ်တို့တွင် ရွာသွန်းမြဲအောက်
လျော့နည်းနိုင်ပြီး၊ကျန်တိုင်းဒေသကြီးနှင့် ပြည်နယ်တို့တွင် ရွာသွန်းမြဲခန့်ရွာနိုင်ပါသည်။
ညအပူချိန်
========
ညအပူချိန်မှာ စစ်ကိုင်းတိုင်းဒေသကြီး၊ ကချင်ပြည်နယ်နှင့် ရှမ်းပြည်နယ်တို့တွင်
ဆောင်းရာသီ ကာလ၏ ပျမ်းမျှအပူချိန်တို့ထက်ပိုပြီး၊ကျန်တိုင်းဒေသကြီးနှင့်ပြည်နယ်
တို့တွင် ဆောင်းရာသီကာလ၏ပျမ်းမျှအပူချိန်ခန့်သာ ရှိနိုင်ပါသည်။
မြူအခြေအနေ
==========
ဆောင်းရာသီကာလအတွင်း ဒေသအလိုက် မြူထူဆိုင်းလေ့ရှိပြီးကမ်းရိုးတန်းဒေသ
များ၊ကုန်းမြင့်၊ တောင်တန်းဒေသ များတို့တွင်ပိုမိုထူထပ်စွာမြူထူဆိုင်းတတ်ပါ
သည်။မြူအခြေအနေခန့်မှန်းချက်မှာစစ်ကိုင်းတိုင်းဒေသကြီးအထက်ပိုင်း၊
ကချင်ပြည်နယ်၊ရှမ်းပြည်နယ်၊ ချင်းပြည်နယ်နှင့် ကယားပြည်နယ် တို့တွင်
(၁၆)ရက်မှ(၂၀)ရက်ခန့်၊ကျန်တိုင်းဒေသကြီးနှင့် ပြည်နယ်တို့တွင် (၁၀)ရက်မှ
(၁၅)ရက်ခန့် လအလိုက် မြူထူများဆိုင်းနိုင်ပါသည်။