အားကောင်းသောမုန်တိုင်းငယ်သတင်းအမှတ်စဉ်(၁၆/၂၀၂၀)
(၂၀၂၀ပြည့်နှစ်၊ ဒီဇင်ဘာလ၄ရက်)
(မြန်မာစံတော်ချိန်(၀၇:၀၀)နာရီအချိန်ထုတ်ပြန်ချက်)
(က) အားကောင်းသောမုန်တိုင်းငယ်အခြေအနေ
ယနေ့မြန်မာစံတော်ချိန် (၀၅:၃၀)နာရီအချိန် တိုင်းထွာချက်များအရ မန်နာ ပင်လယ်ကွေ့တွင် ဖြစ်ပေါ်နေသော အားကောင်းသော မုန်တိုင်းငယ်(Deep Depression)သည် အနောက်ဘက်သို့ ရွေ့လျားခဲ့ပြီး၊ အိန္ဒိယနိုင်ငံ၊ ရမ်မန်သာပူရမ်(Ramanathapuram)မြို့၏ အနောက်တောင်ဘက် ရေမိုင် (၄၀)မိုင်ခန့်၊ ပမ်ဘန်(Pamban)မြို့၏ အနောက်တောင်ဘက် ရေမိုင်(၅၅)မိုင်ခန့်နှင့် ကန်ညာကူမာရီ(Kanyakumari)မြို့၏ အရှေ့မြောက်ဘက် ရေမိုင်(၈၀)မိုင်ခန့်အကွာပင်လယ်ပြင်ကိုဗဟိုပြုနေပါသည်။
(ခ) အားကောင်းသောမုန်တိုင်းငယ်၏ တည်နေရာ၊ ဗဟိုချက်လေဖိအားနှင့် လေတိုက်နှုန်း
အဆိုပါအားကောင်းသော မုန်တိုင်းငယ်(Deep Depression)သည် မြန်မာစံတော်ချိန် (၀၅:၃၀)နာရီအချိန်တွင် မြောက်လတ္တီကျု (၈.၉)ဒီဂရီနှင့် အရှေ့ လောင်ဂျီကျု (၇၈.၄)ဒီဂရီတွင်ရှိပြီး၊ ဗဟိုချက်လေဖိအား (၁၀၀၀)ဟက်တိုပါစကယ်နှင့် အမြင့်ဆုံးလေတိုက်နှုန်းမှာ တစ်နာရီလျှင် (၃၅)မိုင်နှုန်း ဖြစ်ပါသည်။
(ဂ) နောက်(၂၄)နာရီအတွင်းခန့်မှန်းချက်
အဆိုပါ အားကောင်းသော မုန်တိုင်းငယ်(Deep Depression)သည် နောက်(၆)နာရီအတွင်း အိန္ဒိယနိုင်ငံ ရမ်မန်သာပူရမ်(Ramanathapuram)နှင့် တူးတုကူဒီ(Thoothukudi)ခရိုင်တို့မှ ဖြတ်ကျော်ဝင်ရောက်ပြီး၊ အနောက်- အနောက်တောင်ဘက်သို့ ဆက်လက်ရွေ့လျားကာ၊ နောက်(၂၄)နာရီအတွင်း မုန်တိုင်းငယ် (Depression)အဖြစ် အားလျော့သွားမည်ဟု ခန့်မှန်းရပါသည်။