DEPARTMENT OF METEOROLOGY AND HYDROLOGY (MYANMAR)

 

Main menu

(၂၉-၀၃-၂၀၂၄):ကပ္ပလီပင်လယ်ပြင်တောင်ပိုင်းနှင့် ဘင်္ဂလားပင်လယ်အော်တောင်ပိုင်းတို့ တွင် တိမ်အသင့်အတင့်မှ တိမ်ထူထပ်နေပြီး၊ ကပ္ပလီပင်လယ်ပြင်မြောက်ပိုင်းနှင့် ကျန်ဘင်္ဂလားပင်လယ်အော် တို့တွင် တိမ်အနည်းငယ် ဖြစ်ထွန်းနေပါသည်။

၂၀၂၀ ပြည့်နှစ်၊ မိုးရာသီကာလအတွက် ယေဘုယျခန့်မှန်းချက်

၂၀၂၀ ပြည့်နှစ်၊ မိုးရာသီကာလအတွက် ယေဘုယျခန့်မှန်းချက်

 

အနောက်တောင်မုတ်သုံလေ ၀င်ရောက်ခြင်း၊ ဆုတ်ခွာခြင်း ခြေအနေ

၁။      အနောက်တောင်မုတ်သုံလေသည် ၂၀၂၀ ပြည့်နှစ်၊ ဇွန်လ (၃)ရက်နေ့မှ

(၈)ရက်နေ့(မြန်မာ သက္ကရာဇ် ၁၃၈၂ ခုနှစ်၊ နယုန်လဆန်း(၁၃)ရက်နေ့မှ

နယုန်လပြည့်ကျော်(၃)ရက်နေ့)အတွင်းမြန်မာ နိုင်ငံတစ်နိုင်ငံလုံးသို့

၀င်ရောက်ဖွယ်ရာရှိပြီး၊ ၂၀၂၀ ပြည့်နှစ်၊ အောက်တိုဘာလ ဒုတိယရက်သတ္တပတ်

(မြန်မာသက္ကရာဇ် ၁၃၈၂ ခုနှစ်၊ တော်သလင်း လပြည့်ကျော်ခန့်)တွင်

မြန်မာနိုင်ငံတစ်ဝှမ်းလုံးမှပြန်လည်ဆုတ်ခွာ သွားဖွယ်ရာရှိပါသည်။

 

မိုးဦးကာလ ခန့်မှန်းချက်

၂။       မိုးဦးကာလသည် ၂၀၂၀ ပြည့်နှစ်၊ အနောက်တောင်မုတ်သုံလေ

မြန်မာနိုင်ငံအတွင်းသို့စတင် ၀င်ရောက်သည့်နေ့မှ ဇွန်လကုန်ထိ

ဖြစ်ပါသည်။ မိုးဦးကာလအတွင်း ဘင်္ဂလားပင်လယ်အော်တွင်

လေဖိအားနည်းရပ်‌၀န်း (၄)ကြိမ် ဖြစ်ပေါ်နိုင်ပြီး၊ (၂)ကြိမ်တွင်

ပိုမိုအားကောင်းလာကာ မုန်တိုင်းငယ် အဖြစ်သို့ ရောက်ရှိနိုင်ပါသည်။

ယင်းကာလအတွင်း အနောက်တောင် မုတ်သုံလေသည် အားအသင့်အတင့်မှ

အားကောင်းနိုင်ပါသည်။မိုးရွာသွန်းမှုအ‌ခြေအနေမှာ နေပြည်တော်၊

စစ်ကိုင်းတိုင်းဒေသကြီးအောက်ပိုင်း၊ မန္တလေးတိုင်းဒေသကြီး၊ မကွေးတိုင်းဒေသကြီး၊

ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ ရှမ်းပြည်နယ်၊

ချင်းပြည်နယ်၊ ရခိုင်ပြည်နယ်၊ ကယားပြည်နယ်၊ ကရင်ပြည်နယ်နှင့် မွန်ပြည်နယ်တို့တွင်

ရွာသွန်းမြဲအောက်လျော့နည်းနိုင်ပြီး၊ စစ်ကိုင်းတိုင်းဒေသကြီး အထက်ပိုင်း၊

တနင်္သာရီတိုင်းဒေသကြီးနှင့် ကချင်ပြည်နယ်တို့တွင် ရွာသွန်းမြဲခန့် မိုးထစ်ချုန်းရွာ

နိုင်ပါသည်။

မိုးလယ်ကာလ ခန့်မှန်းချက်

၃။      မိုးလယ်ကာလသည် ၂၀၂၀ ပြည့်နှစ်၊ ဇူလိုင်လ(၁)ရက်နေ့မှ

သြဂုတ်လကုန်အထိ ဖြစ်ပါသည်။ မိုးလယ်ကာလအတွင်း

ဘင်္ဂလားပင်လယ်အော်တွင်လေဖိအားနည်းရပ်၀န်း (၄)ကြိမ်

ဖြစ်ပေါ် နိုင်ပြီး၊ (၂)ကြိမ်တွင် ပိုမိုအားကောင်းလာကာ

မုန်တိုင်းငယ်အဖြစ်သို့ ​ရောက်ရှိနိုင်ပါသည်။ ယင်းကာလအတွင်း

အနောက်တောင်မုတ်သုံလေသည် အားအသင့်အတင့်မှအားကောင်း

နိုင်ပါသည်။ မိုးရွာသွန်းမှုအ‌ခြေအနေမှာ ပဲခူးတိုင်းဒေသကြီး၊

ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ ကရင်ပြည်နယ်နှင့်

မွန်ပြည်နယ်တို့တွင် ရွာသွန်းမြဲအောက်လျော့ပြီး၊ နေပြည်တော်၊

စစ်ကိုင်းတိုင်းဒေသကြီး၊ မန္တလေးတိုင်းဒေသကြီး၊ မကွေးတိုင်းဒေသကြီး၊

တနင်္သာရီတိုင်းဒေသကြီး၊ ကချင်ပြည်နယ်၊ ချင်းပြည်နယ်၊

ရှမ်းပြည်နယ်၊ ရခိုင်ပြည်နယ်နှင့်ကယားပြည်နယ်တို့တွင်

ရွာသွန်းမြဲခန့် မိုးထစ်ချုန်း ရွာနိုင်ပါသည်။

မိုးနှောင်းကာလ ခန့်မှန်းချက်

၄။      မိုးနှောင်းကာလသည် ၂၀၂၀ ပြည့်နှစ်၊ စက်တင်ဘာလ

(၁)ရက်နေ့မှ အနောက်တောင် မုတ်သုံလေ မြန်မာနိုင်ငံတစ်ဝှမ်းလုံးမှ

ပြန်လည်ဆုတ်ခွာသွားသည့်နေ့အထိဖြစ်ပါသည်။မိုးနှောင်းကာလအတွင်း

ဘင်္ဂလားပင်လယ်အော်တွင် လေဖိအားနည်းရပ်၀န်း (၃)ကြိမ်ဖြစ်ပေါ်နိုင်ပြီး၊

(၁)ကြိမ်တွင် ပိုမို အားကောင်းလာကာ မုန်တိုင်းငယ်အဖြစ်သို့ ​

ရောက်ရှိနိုင်ပါသည်။ ယင်းကာလအတွင်း အနောက်တောင်

မုတ်သုံလေသည် အားအနည်းငယ်မှ အသင့်အတင့်ရှိနိုင်ပါသည်။

မိုးရွာသွန်းမှုအ‌ခြေအနေမှာ နေပြည်တော်၊ စစ်ကိုင်းတိုင်းဒေသကြီး၊

မန္တလေးတိုင်းဒေသကြီး၊ မကွေးတိုင်းဒေသကြီး၊ ပဲခူးတိုင်းဒေသကြီး၊

ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊

ကချင်ပြည်နယ်၊ ရှမ်းပြည်နယ်၊ ချင်းပြည်နယ်၊ ရခိုင်ပြည်နယ်၊

ကယားပြည်နယ်၊ ကရင်ပြည်နယ်နှင့် မွန်ပြည်နယ်တို့တွင်

ရွာသွန်းမြဲခန့် မိုးထစ်ချုန်းရွာနိုင်ပါသည်။

 

   

၂၀၂၀ ပြည့်နှစ်၊ မိုးဦးကာလအတွက် မိုးလေ၀သ ခန့်မှန်းချက်

 

၂၀၂၀ ပြည့်နှစ်၊ မိုးဦးကာလ သတ်မှတ်ခြင်း

၁။      ၂၀၂၀ ပြည့်နှစ်၊ မိုးဦးကာလသည် မြန်မာနိုင်ငံအတွင်းသို့

အနောက်တောင်မုတ်သုံလေ စတင်ဝင်ရောက်သည့်နေ့မှ ၂၀၂၀ ပြည့်နှစ်၊

ဇွန်လကုန်အထိ ဖြစ်ပါသည်။

 

 ၂၀၂၀ ပြည့်နှစ် မုတ်သုံလေ ဝင်ရောက်နိုင်မှုအ‌ခြေအနေ

၂။       အနောက်တောင်မုတ်သုံလေသည် မြန်မာနိုင်ငံအရပ်ရပ်သို့

အောက်ပါအတိုင်း ဝင်ရောက်ဖွယ်ရာ ရှိပါသည်-

          (က)    မေလ (၁၆ -၂၁)ရက်နေ့အတွင်း မြန်မာနိုင်ငံတောင်ပိုင်းဒေသများ၊

          (ခ)     မေလ (၂၂ - ၂၇)ရက်နေ့အတွင်း မြစ်ဝကျွန်းပေါ်ဒေသများ၊

          (ဂ)     မေလ (၂၈)ရက်နေ့မှ ဇွန်လ (၂)ရက်နေ့အတွင်း မြန်မာနိုင်ငံအလယ်ပိုင်းဒေသများနှင့်

          (ဃ)    ဇွန်လ (၃ - ၈)ရက်နေ့အတွင်း မြန်မာနိုင်ငံမြောက်ပိုင်းဒေသများ၊

 

ဘင်္ဂလားပင်လယ်အော်အခြေအနေ

၃။      ဘင်္ဂလားပင်လယ်အော်တွင် လေဖိအားနည်းရပ်‌၀န်း(၄)ကြိမ်

ဖြစ်ပေါ်နိုင်ပြီး၊ (၂)ကြိမ်တွင်ပိုမို အားကောင်းလာကာ မုန်တိုင်းငယ်အဖြစ်သို့

ရောက်ရှိနိုင်ပါသည်။ ယင်းကာလအတွင်း အနောက်တောင် မုတ်သုံလေသည်

အားအသင့်အတင့်မှ အားကောင်းနိုင်ပါသည်။

 

  မိုးအခြေအနေ

၄။      မိုးရွာသွန်းမှုအ‌ခြေအနေမှာ နေပြည်တော်၊ စစ်ကိုင်းတိုင်းဒေသကြီး

အောက်ပိုင်း၊မန္တလေးတိုင်း ဒေသကြီး၊ မကွေးတိုင်းဒေသကြီး၊

ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ဧရာဝတီတိုင်းဒေသကြီး၊

ရှမ်းပြည်နယ်၊ ချင်းပြည်နယ်၊ ရခိုင်ပြည်နယ်၊ ကယားပြည်နယ်၊

ကရင်ပြည်နယ်နှင့် မွန်ပြည်နယ်တို့တွင် ရွာသွန်းမြဲအောက်လျော့နည်းနိုင်ပြီး၊

စစ်ကိုင်းတိုင်းဒေသကြီးအထက်ပိုင်း၊ တနင်္သာရီတိုင်းဒေသကြီးနှင့်

ကချင်ပြည်နယ်တို့တွင်ရွာသွန်းမြဲခန့် မိုးထစ်ချုန်းရွာ နိုင်ပါသည်။